Грузия астанасы Тбилисиде Болгария құрамасының ойыншылары мінген автобус жол көлік апатына ұшырады, деп жазады Vesti.kz.

Оқиға Болгария делегациясы екі автобуспен әуежайдан қонақ үйге келе жатқанда орын алған. Нәтижесінде автобус жүргізушсі екінші автобуспен соғысуына жол берген.

Осының салдарынан «Ботев» жартылай қорғаушысы Тодор Неделевтің көзіне сынған шишаның қалдықтары кірген. Футболшыны жедел жәрдем қызметкерлері ауруханаға алып барып ота жасады. Қазіргі таңда ойыншының жағдайы бірқалыпты.  

Еске салайық, 12 маусымда УЕФА Ұлттар Лигасының төртінші турында Грузия мен Болгария құрамалары кездеседі. 5 маусым күні Болгариядағы матчта грузиндер қонақта 2:5 есебімен жеңіске жеткен еді.

Грузия командасы 9 ұпаймен турнир кестесінің көшін бастап тұрса, Болгария 2 ұпаймен үшінші орынға жайғасты.

 

Өзге де жаңалықтарды оқу үшін Telegram арнамызға жазылыңыз!