Иманбек Зейкенов «Billboard Awards» марапатын иеленді. Бұл туралы ол өзінің Инстаграм парақшасында жариялады. 

Иманбек әлеуметтік желідегі парақшасында «Қоржынға + 1» деп  «Grammy» сияқты «Billboard Awards» марапатын алғанын хабарлады. 

«Billboard Awards» марапаты – әртістерге музыкалық чарттардағы жетістігі үшін берілетін жүлде. Оны америкалық «Billboard» музыкалық баспа басылымы тағайындайды.

Диджейдің сөзінше, ол жүлдені Saint Jhn орындайтын «Roses» әнінің ремиксі үшін «Үздік би/электронды ән» номинациясы бойынша жеңіп алған.

Айта кетейік, 15 наурызда Иманбек Зейкенов музыка саласындағы аса беделді «Грэмми» сыйлығын иеленген болатын. Ол осы марапатқа лайық деп таныған ТМД елдеріндегі алғашқы әртіс.

 

Өзге де жаңалықтарды оқу үшін Telegram арнамызға жазылыңыз!