Мемлекеттік тіл ‒ елдегі қоғамдық қатынастардың барлық саласында қолданылатын мемлекеттік басқару, заң шығару, сот ісін жүргізу және іс қағаздарын жүргізу тілі. Қазақстан халқын топтастырудың аса маңызды факторы болып табылатын мемлекеттік тілді меңгеру ‒ Қазақстан Республикасының әрбір азаматының парызы.
Ұлттың сақталуына да, жоғалуына да себеп болатын нәрсенің ең қуаттысы ‒ тіл. Тілдің мәселесі ‒ ұлттың мәселесі. Тілді өркендету ‒ баршаның ісі. Тіл ‒ қарым-қатынас құралы ғана емес, ойлаудың, дүниетанымның, рухани мәдениетті жасаудың ұлттық тәрбиесін жинақтаудың құралы және ұлтымыздың биік тұғыры. Бұл ретте біздің мемлекетіміздің тілге деген жанашырлығы басым. «Өзге тілдің бәрін біл, өз тіліңді кұрметте» деп бекер айтылмаса керек. Ендеше асыл мұрамыздың біріне айналған мемлекеттік тілімізді қастерлей білейік.
Ғ.Қуанышбаева,
Қызылорда қаласының №2 сотының
бас маманы
Өзге де жаңалықтарды оқу үшін Telegram арнамызға жазылыңыз!