Жаңақорған ауданы ішкі саясат бөлімінің «Жастар ресурстық орталығы» КММ қолдауымен, “Ашық азаматтық қоғам” ақпараттық-ресурстық орталығының ұйымдастыруымен өткен «Ауылдағы бір күнім» бейнероликтер байқауының жеңімпаздары анықталды.

Ауданның 20-ға жуық жасы қатысқан додада үздіктер марапатталды. І орынды Нұртілеу Анарбай (Аққорған ауылдық округі) иеленсе,  ІІ орын Ләйлә Данабекқызына (Жайылма ауылдық округі) бұйырды.  Ал жүлделі ІІІ орынды Ұланбек Мәрсалы (ЖАТК, ІІІ курс студенті) қанжығасына байлады.