С.Айтбаев атындағы көркемсурет га­лереясы және «Дәстүр» қолөнер қоғам­дық қорының ұйымдастыруымен ағаш шебері Пахриддин Шәмшідінұлының «Қол­өнерден кәсіпке» атты шығармашы­лық көрмесінің ашылу рәсімі өтті.

Өнегелі өмірінде көптің құрметіне бөленіп жүрген шебер, ұста 55 жас ме­рей­тойына орай ұйымдастырылған көрмеде облыс­тық мәдениет және спорт басқармасының басшысы Мира Қазбекова, ҚР «Мәдениет саласының үздігі» Қазақстан суретшілер, қолөнершілер одағының мү­шесі Жәнібек Маханбетов салтанатты шараның ашылуымен құттықтап, сөз сөйледі. Сонымен қа­тар шығармашылық қолдау көрсету мақсатында Пав­лодар облысы мәдениет, тілдерді дамыту жә­не архив ісі басқармасының қызметкері Перизат Құр­манәліқызы, ақын Манап Көкеновтің інісі Құттықожа Көкенов, Жаңақорған ауданының мәдениет және спорт бөлімінің басшысы Әбілқайыр Сыздықов қатысып, жылы лебізі мен сый-сияпат­тарын табыстады.
− «Қолөнерден кәсіпке» атты шығармашылық көрменің ашылуымен шын жүректен құттықтаймын. Ықылым заманнан ағаш ою қазақ халқы үшін берекелі кәсіп десек болады. Бүгінде туындыларыңызды ұлттық брендке айнал­дырып отырған жайымыз бар. Кәсібіңізге береке берсін. Қолөнерді дамытатын жеке мектептер ашыл­са, нұр үстіне нұр болар еді. Бұл өнерді кейінгі ұрпақ жалғастыру қажет, − деді Мира Жомартқызы.

Шаһизада ИСА

 

Өзге де жаңалықтарды оқу үшін Telegram арнамызға жазылыңыз!