Бір адамның өмірін қиған жол апатының бейнежазбасы пайда болды. Онда Алматы қаласындағы екі автобустың да жылдамдығын мүлде бәсеңдетпегенін байқайсыз, деп хабарлайды Экспресс К

Бейнежазба әлеуметтік желіде тарады. Видеодан көшеде қатты кептелістің болмағанын көруге болады. Бірақ көп ұзамай екі автобус бір-бірін түйрей соқтығысқан. Содан тоқтай алмай көшенің өзге бұрышынан бір-ақ шыққан.

Аталған жағдайға байланысты көп ұзамай полиция да түсініктеме берді. Ондағылар бір адамның көз жұмғанын айтты.

Аталған дерек қылмыстық кодекстің 345-бабы 3-бөлігі (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) бойынша сотқа дейінгі тергеудің бірыңғай тізіліміне тіркелді. Сараптамалар тағайындалды,

— делінген полиция хабарламасында.

Әлеуметтік желіде автобустардың соқтығысуы салдарынан жарақат алған жолаушылардың да бейнежазбасы тарады. Соның бірінде жас жігіт қоғамдық көліктің ішінде бет-аузы қан-қан болып, өз жағдайын айтып тұр. Тіпті сабаққа бара алмайтынын да жеткізген.

 

Өзге де жаңалықтарды оқу үшін Telegram арнамызға жазылыңыз!