Алты жылын абақтыда өткізіп, осы жазда бостандыққа шыққан Бақытбек Есентаевты Аяна есімді қыз іздеп жүр. Ол әлеуметтік желіде өзіне көмек қолын созған ағасымен кездесіп, алғыс айтқысы келетінін жеткізген, деп хабарлайды Экспресс К.
Аянаның айтуынша, ол үш жаста болғанда қатты ауырыпты. Сол кезде ем-домына Бақытбек Есентаев қол ұшын созған екен. Кішкентай қыз Instagram әлеуметтік желісі арқылы ағасына жолығып, алғыс айтқысы келетінін жазған.
«Менің атым — Аяна. Жасым — 11-де. Мен сізге рақмет айтайын деген едім. Мен ауырғанда сіз көмек беріпсіз, ол кезде менің жасым үште болған. Сол үшін сізбен кездескім келеді. Нағима тәтеге де көп хат жаздым. Бірақ ол кісі әлі оқымады ғой деймін, әйтпесе сізбен кездестіретін еді», — деп жазды Аяна есімді қыз.
Айта кетейік, 2016 жылы Бақытбек Есентаев бұрынғы әйелі Баян Мақсатқызын соққыға жығып, өлтірмек болды деген айыппен тоғыз жылға сотталған болатын.
Ол алты жыл түрмеде отырғаннан кейін, мерзімінен бұрын бостандыққа шықты. Экспресс К бұл туралы бұған дейін бірнеше материал жазды.
Өзге де жаңалықтарды оқу үшін Telegram арнамызға жазылыңыз!