Қазақстанда электронды сауданы ынталандыру үшін біршама шара қабылданып жатыр. Экономиканың осы маңызды саласына серпін беру үшін Сауда және интеграция министрлігі шағын және орта бизнес өкілдерін онлайн бизнес жүргізуге оқыту үшін арнайы платформа құрды.

Жалпы елде электрондық сауданы ынталандыру және ШОБ өкілдерін оқыту, жеткізу қызметі, логистикалық сервис­терді дамыту, заңнаманы жетілдіру, сондай-ақ онлайн транс­шека­ралық сауданы дамыту бойынша кешенді жұмыстар жүр­гізіліп жатыр. Осылайша көптеген студенттерді электронды коммерция негіздеріне оқыту мақсатында биыл jumysbar.kz платформасында оқыту модулі іске қосылды. Онда оқу мате­риалдары, бейне сабақтар, түрлі сәтті онлайн-кәсіп­кер­лермен сұхбаттарды көруге болады. Одан бөлек ішкі электронды сау­даны ынталандыру шеңберінде шағын және орта бизнес өкілдерін онлайн бизнес жүргізуге оқыту жұмысы белсенді жүр­гізілуде. Ол үшін осы жылдың қыркүйегінен бастап Сауда жә­не интеграция министрлігі SmartDuken.kz платформасын іске қо­сады. Бұл платформаны AIFC FintechHub-тің жетекші жаһандық төлем компаниясы Mastercard-пен бірлесіп әзірлеген. Осы жылдың өзінде платформада 4 курс іске қосылады.

Министрлік таратқан мәліметке сәйкес, 2019 жылы Қазақ­стандағы электрондық сауда нарығының көлемі шамамен 700 млрд теңгені құраған. Ал 2020 жылы бұл көрсеткіш 2 есе өсіп, 1,1 трлн теңгеден асқан.

 

Өзге де жаңалықтарды оқу үшін Telegram арнамызға жазылыңыз!