Джинстер – ешқашан сәннен кетпейтін, уақыт өте түрлері қайта айналып сәнге айналатын шалбар түрі. Алдағы көктем мен жазда винтаж стилі сәнге кірмек. Сондықтан осыдан 10-20 жыл бұрынғы джинс шалбарлары қайта оралады. Әсіресе, ерекше үш түрді атап өтуге болады.
1. Mom джинстері
1980 жылдың басынан 1990-жылға дейін сәнде болған шалбар қазір де кең танымалдылыққа ие. Бұл шалбар түрі бойы аласа қыздарға өте жақсы жарасады. Өйткені аяқты ұзартып көрсетеді, белді жеңішкертеді.
2. Тік джинстер
Кең әрі тік джинстер де 80-90 жылдары кең танымалдылыққа ие болған еді. Бұндай модель қыздардың пішінін әдемілеп, кемшіліктерді жасырады. Бұл түрді таңдар кезде бір өлшемге үлкенін алған дұрыс. Әдетте бір рет жуғаннан кейін тарылып қалады. Сондықтан сәл үлкен джинс кейін де қиындықсыз кие беруге септігін тигізеді.
3. Кең балақ джинстер
Бұл джинсті тренд күнделікті стиліңізге ерекшелік пен сұлулық береді. Кең балақ джинстерді кеңсеге де, мерекелік шараларға да, отырыстарға да киюге болады. Жейделермен, тар күртешелермен жақсы үйлеседі.
Массагет кз
Өзге де жаңалықтарды оқу үшін Telegram арнамызға жазылыңыз!