Екі күннің бірінде кolesa.kz сайтын па­рақ­тайтынымыз бар. Бұл жолы бізді таң­қалдырған көлік 1964 жылғы ЗАЗ-965А маркалы темір тұлпар. Совет Одағында құрастырылған көліктің бағасы шетелдің су жаңа автокөліктерінен әлде қайда қымбат. Биыл 57-ге келетін машина үшін иесі 10 млн теңге сұрап отыр.
Хабарландыру авторының сөзінше, 2019 жылға дейін ЗАЗ бір адамның қолында болған, ол екінші иесі. Модельдің жасын ескерсек, жағдайы жалпы жаман емес сияқты. Сырттай «запорожец» расымен жақсы көрінеді, тек ин­терьерінің өңі кетіпті. Бұл суреттерден байқа­лады.
Мәтінде одометр 62 684 км көрсетіп тұрғаны жа­зыл­ған, бірақ қозғалтқышы жөнделіпті, қазір оны жолға төселтіп жатыр екен. Машинаның арт жағына 27 күшке ие көлемі 887 текше сантиметр бензинді карбюраторлы V4 орнатылған. Ол айналу моментін артқы дөңгелектерге беретін механикамен жұмыс істейді. Көліктің эмблемасы мен түпнұсқа саймандары жинаққа кіреді. 10 млн теңге соңғы баға емесін айта кеткен жөн. Өйткені иесі аз-маз саудасы болатынын жеткізген.

 

Өзге де жаңалықтарды оқу үшін Telegram арнамызға жазылыңыз!