“Тәуелсіздік” дегенде ең алдымен көз алдымызға не елестейді? Әрине бұл күнге қалай жеткенімізді ой елегінен өткіземіз. Желтоқсан оқиғасындағы жастар, ел үшін құрбан болған ата-бабаларымыз ойға оралады. Тарихқа көз жүгіртсек, бұл күнге жету оңайға соққан жоқ. Қуантарлығы, бүгінде еліміз тыныш. Балаларымыз дін аман. Саралап қарасақ, 30 жылда жетістігіміз көп екен. Бейбіт өмір сүріп жатқанымыздың өзі не тұрады? Ынтымақты, бірлікті нығайтып, патриоттық сезімді қалыптастыруда жастардың үлесі басым. Соның  ішінде аралдық Ержан Сабырбайдың елге деген сүйіспеншілігі ерекше. Ол жастарға жүктелген аманатты мүмкіндігінше арқалауға әзір.

– Ел Тәуелсіздігінің 30 жылдығы барша­ңызға құтты болсын! 30 жылда еліміз өсіп өркендеуде. Елімізді халықаралық арена танып, көк Туымыз желбіреп, Әнұранымыз тек биіктерде шырқалды. Қастерлі тәуелсіздік бізге берілген тәтті сый, осы қастерлі тәуел­сіздікті қарашығымыздай сақтайық, – дей­ді ол.

Отыз жылдан астам уақыт ішінде елдің әл-ауқатын көтеріп, төл мәдениетіміз бен мемлекеттік тілді жаң­ғырту ісінде қыруар жұ­мыстар жаса­дық. Елімізде білім, ғылым, ден­сау­лық, спорт салалары айрықша даму үстінде. Тәуелсіздік – біздің ең басты игі­лігі­міз, баға жетпес құндылығымыз. Жас мемле­кет тари­хындағы жаңа дәуір дәл осы тәуелсіз­діктен бастау алады.

– Патриоттық дегеніміз – әрбір қазақстан­дықтың елге деген сүйіспеншілігі, ықы­ласы,

 құрметі. Патриот – елдікті кейінгі буынға насихаттаушы. Тәуелсіз ел ғана дамиды, өркендейді, өседі. Барлық адам­зат тәуелсіздіктің қадірін біліп,  оған құр­мет көрсетуі қажет”, – дейді Ержан.

Мақаламызды Президенттің сөзі­мен аяқтасақ, “Бүгінде Тәуелсіздік құрдастары ойы толысқан отыз жасқа толды. Егемен елде дү­ниеге келіп, өсіп-жетілген олардың санасы сер­гек, көзқарастары да, өмір салттары да өзгеше. Тіпті Тәуелсіздікті ешбір дәлелді қажет етпейтін аксиома деп біледі. Бұл – егемендік ұғымы жас­тардың санасына берік орныққанын көр­сететін қалыпты құбылыс. Бірақ Тәуелсіздік құндылығы жадына біржола шегеленіп, мәңгі сақталуы үшін өскелең ұрпақ оның қадірін білуі керек, – деді Қасым-Жомарт Тоқаев.

 

Өзге де жаңалықтарды оқу үшін Telegram арнамызға жазылыңыз!